21 November 2015
14 November 2015
14 September 2015
Koreyada mustaqillik bayramimizni qanday nishonlaganimiz haqida
Har yili 1-sentabr O'zbekiston mustaqillikka erishgan kunini yuqori darajada o'z yaqinlarim bilan nishonlash odat bo'lib qolgan. Bayram kunlarni qayerda bo'lmay bayram o'tkaziladigan joylarga chiqib do'stu-birodarlarni ko'rish, undan so'ng oilaviy o'tirib nishonlashlarsiz bayramni tasavvur qilishim qiyin. Ammo 2 yildan beri bu an'anaga biroz o'zgartirish kirittim.
2014-yil 31-avgust kuni bir nechta do'stlarim bilan Koreyaga, Koreya Milliy Transport Universitetiga o'qishga birga keldik. Biz kelganimizda bu oliygohda bizdan boshqa o'zbek talabalar yo'q edi, ammo unga qadar Toshkent Axborot Texnologiyalari Universitetida bakalavrda o'qigan paytimizda volontyorlik dasturi bilan kelgan bir nechta talaba tanishlarimiz bor edi. Kelgan kunimiz o'sha do'stlarimiz bizni kutib olib oliygoh bilan tanishtirishdi.
1-sentabr hamma talabalar uchun birinchi o'quv kuni bo'lsa biz uchun mustaqillik bayramimiz ham edi, ammo bayram shukuhi hech qayerda ko'rinmasdi. Bunday shukuh bo'lmasa o'zimiz buni tashkil qilamiz dedikda, o'zbek talabalar koreys do'stlarimiz bilan yig'ilishib odatga ko'ra dasturxon yozib o'z bayrog'imiz ostida nishonladik, xursandchilik qildik. Sayl joyi etib universitetning eng mashhur joyi kampus amfiteatri sahnasini tanladik.
Buni qarangki bu yil bu oliygohda o'zbek talabalari soni bir nechtaga ortti, turli xil bosqich, turli xil yo'nalishlarga bir nechta talabalar qabul qilindi. Bu ham o'z navbatida bayram kayfiyati yanada ko'taringki nishonlashga sababchi bo'ldi.
bayram fotosessiyadan bir lavha |
20 July 2015
Eshik oldidagi to’qnashuvlar uchun smart qurilma yoki arduinodan foydalanib nima yasaganim haqida
Oldingi semestrda bizning fakultetda arduino haqida fan o'tildi va oxirgi imtihon o'rniga biror g'oya asosida yangi qurilma yaratish kerak edi. Topshiriqning nozik joyi shunda ediki yaratilajak qurilma dunyoda yo'q bo'lishi yoki avval yaratilgan qurilmalardan nimasidir bilan farq qilishi kerak edi.
Qanday qilib yangi qurilma o'ylab topsam ekan deb xayol surib xona eshigiga yaqinlashib qolganimda eshik qo'qisdan ochilib bir domla shiddat bilan kirib keldi. Eshik ochilganigami, domlani badjahl ekanliginidanmi bilmadim birdan o'ylab turgan fikrlarim kapalakday uchdi ketti.
Shu eshiklar ochilishini oldindan ogohlantiruvchi qurilma qo'yishsa qo'rqib ketmasdim deb o'ylab qoldim va shu g'oya bilan shunday qurilmani o'zim yaratishim kerak degan xulosaga keldim. Devaysni yasash uchun arduinodan foydalandim, quyida uni qanday tuzilgani haqida texnik maqola yozdim.
Blog ochilish so'zlari
Nazarimda blogpost yozish bu ko'plab ijtimoiy tarmoqlarda statuslar yozishdan ko'ra ko'proq ma'noli foydali bo'ladi, ayniqsa fikrlaringizni elektron shaklga o'girganingizda baytlar soni ko'p bo'lsa.
Bugundan boshlab man ham blog yozishga qaror qildim, ammo avvaliga nima haqida yozishni rosa o'yladim, natijada xayolimga kelgan istalgan narsa haqida yozaman degan qarorga keldim. Shunday qilib soddagina blogimda o'zimga qiziq bo'lgan va yaqinlarim bilan ulashishni lozim deb topgan ko'rgan, bilgan, o'rgangan, boshimdan kechirgan narsalarim haqida yozib boraman. Bular asosan dasturchilik, sayohat, Koreya, Koreyadagi hayotim haqida bo'lishi mumkin, lekin yuqorida yozganimdek yana xayolga yaxshi ideyalar kelib qolsa o'zimni cheklab o'tirmayman. Xullas bars222.blogspot.com ni rasman ochiq deb e'lon qilaman.
Subscribe to:
Posts (Atom)